قعدة أونلاين



يادي النور يادي الهنا.. نورتنا و الله.. سجل بقى أو أدخل لو كنت مسجل..

شوف انت عاوز ايه و خلصنا..!!

اقولك.. ادخل ادخل.. هاتتبسط و الله..

•°ميين؟؟ زائر ؟؟ اتاري القعدة منورة ..يا أهلا يا أهلا.. °•


    رباعيات صلاح جاهين

    شاطر
    avatar
    الإدارة
    {إدارة القعدة}

    أنا من : مصر

    ازيك.. : يااااااااااا رب..
    عدد المشاركات : 303

    درجة النشاط..~ : 157

    default رباعيات صلاح جاهين

    مُساهمة من طرف الإدارة في 28/9/2008, 3:10 pm



    :besm1:
    :1:

    حبيت انهاردة اني اشرككم معايا في قرائاتي..

    و رباعيات صلاح جاهين بتأتي في أول تلك القرائات..

    و دلوقتي أسيبكوا تستمتعوا بابداع الرائع "صلاح جاهين" رحمه الله:

    ــــــــــــــــــــــــــــــــــــــــــــــــــــــ





    خرج ابن آدم من العدم قلت : ياه
    رجع ابن آدم للعدم قلت : ياه
    تراب بيحيا ... وحي بيصير تراب
    الأصل هو الموت و الا الحياه ؟
    عجبي !!!

    ــــــــــــــــــــــــــــــــ

    ضريح رخام فيه السعيد اندفن
    و حفره فيها الشريد من غير كفن
    مريت عليهم .. قلت يا للعجب
    لاتنين ريحتهم لها نفس العفن
    عجبي !!!

    ــــــــــــــــــــــــــــــــ

    ياما صادفت صحاب و ما صاحبتهمش
    و كاسات خمور و شراب و ما شربتهمش
    أندم علي الفرص اللي انا سبتهم
    و الا علي الفرص اللي ما سبتهمش
    عجبي !!

    ــــــــــــــــــــــــــــــــ

    و الكون ده كيف موجود من غير حدود
    و فيه عقارب ليه و تعابين ودود
    عالم مجرب فات و قال سلامات
    ده ياما فيه سؤالات من غير ردود
    عجبي !!!

    ــــــــــــــــــــــــــــــــ

    أنا شاب لكن عمري ألف عام
    وحيد لكن بين ضلوعي زحام
    خايف و لكن خوفي مني أنا
    أخرس و لكن قلبي مليان كلام
    عجبي !!!!

    ــــــــــــــــــــــــــــــــ

    يا باب يا مقفول ... إمتي الدخول
    صبرت ياما و اللي يصبر ينول
    دقيت سنين ... و الرد يرجع لي : مين ؟
    لو كنت عارف مين أنا كنت أقول
    عجبي !!!








    عدل سابقا من قبل .**..بنوتة عسولة..**. في 28/9/2008, 3:16 pm عدل 1 مرات
    avatar
    الإدارة
    {إدارة القعدة}

    أنا من : مصر

    ازيك.. : يااااااااااا رب..
    عدد المشاركات : 303

    درجة النشاط..~ : 157

    default رد: رباعيات صلاح جاهين

    مُساهمة من طرف الإدارة في 28/9/2008, 3:11 pm





    أحب أعيش ولو في الغابات
    أصحي كما ولدتني أمي و ابات
    طائر .. حوان.. حشرة .. بشر ..بس أعيش
    محلا الحياة.. حتي في هيئة نبات
    عجبي !!

    ـــــــــــــــــــــــــــــــــــــــــــــــ



    سهير ليالي و ياما لفيت و طفت
    و ف ليه راجع في الضلام قمت شفت
    الخوف ... كأنه كلب سد الطريق
    و كنت عاوز أقتله .. بس خفت
    عجبي !!

    ـــــــــــــــــــــــــــــــــــــــــــــــ


    كان فيه زمان سحليه طول فرسخين
    كهفين عيونها و خشمها بربخين
    ماتت لكين الرعب لم عمره مات
    مع إنه فات بدل التاريخ تاريخين
    عجبي !!

    ـــــــــــــــــــــــــــــــــــــــــــــــ

    عجبتني كلمة من كلام الورق
    النور شرق من بين حروفها و برق
    حبيت أشيلها ف قلبي .. قالت حرام
    ده أنا كل قلب دخلت فيه اتحرق
    عجبي !!!

    ـــــــــــــــــــــــــــــــــــــــــــــــ


    رقبه قزازة و قلبي فيها انحشر
    شربت كاس و اتنين و خامس عشر
    صاحبت ناس م الخمرة ترجع وحوش
    و صاحبت ناس م الخمرة ترجع بشر
    عجبي !!!!

    ـــــــــــــــــــــــــــــــــــــــــــــــ


    ليه يا حبيبتي ما بيننا دايما سفر
    ده البعد ذنب كبير لا يغتفر
    ليه يا حبيبتي ما بيننا دايما بحور
    أعدي بحر ألاقي غيره اتحفر
    عجبي !!!





    avatar
    الإدارة
    {إدارة القعدة}

    أنا من : مصر

    ازيك.. : يااااااااااا رب..
    عدد المشاركات : 303

    درجة النشاط..~ : 157

    default رد: رباعيات صلاح جاهين

    مُساهمة من طرف الإدارة في 28/9/2008, 3:12 pm



    ورا كل شباك ألف عين مفتوحين
    و انا وانتي ماشيين يا غرامي الحزين
    لو التصقنا نموت بضربة حجر
    و لو افترقنا نموت متحسرين
    عجبي !!!

    ــــــــــــــــــــــــــــــــــــ

    نوح راح لحاله و الطوفان استمر
    مركبنا تايهه لسه مش لاقيه بر
    آه م الطوفان وآهين يا بر الأمان
    إزاي تبان و الدنيا غرقانه شر
    عجبي !!

    ــــــــــــــــــــــــــــــــــــ


    علي رجلي دم .. نظرت له ما احتملت
    علي إيدي دم.. سألت ليه ؟ لم وصلت
    علي كتفي دم.. و حتي علي رأسي دم
    أنا كلي دم .. قتلت ؟ ..... والا اتقتلت
    عجبي !!

    ــــــــــــــــــــــــــــــــــــ

    انا كل يوم أسمع ........ فلان عذبوه
    أسرح في بغداد و الجزاير واتوه
    ما أعجبش م اللي يطيق بجسمه العذاب
    و اعجب من اللي يطيق يعذب أخوه
    عجبي !!!

    ــــــــــــــــــــــــــــــــــــ

    ينبوع و في الحواديت أنا سمعت عنه
    إنه عجيب .. و ف وسط لهاليب لكنه
    شقيت كما الفرسان طريقي .. لقيت
    حتي الخنازير و الكلاب شربوا منه
    عجبي !!!!

    ــــــــــــــــــــــــــــــــــــ

    يا قرص شمس ما لهش قبة سما
    يا ورد من غير أرض شب و نما
    يا أي معني جميل سمعنا عليه
    الخلق ليه عايشين حياه مؤلمة
    عجبي !!!



    avatar
    الإدارة
    {إدارة القعدة}

    أنا من : مصر

    ازيك.. : يااااااااااا رب..
    عدد المشاركات : 303

    درجة النشاط..~ : 157

    default رد: رباعيات صلاح جاهين

    مُساهمة من طرف الإدارة في 28/9/2008, 3:25 pm




    شاف الطبيب جرحي وصف له الأمل
    وعطاني منه مقام يا دوب ما اندمل
    مجروح جديد يا طبيب و جرحي لهيب
    ودواك فرغ مني .... و إيه العمل

    عجبي!!!





    أعرف عيون هي الجمال و الحسن
    و اعرف عيون تاخد القلوب بالحضن
    و عيون مخيفة و قاسية وعيون كتير

    وباحس فيهم كلهم بالحزن

    عجبي!!




    إيش تطلبي يا نفس فوق كل ده
    حظك بيضحك و انتي متنكده
    ردت قالت لي النفس : قول للبشر
    ما يبصوليش بعيون حزينة كده

    عجبي!!



    إقلع غماك يا تور وارفض تلف
    إكسر تروس الساقية و اشتم وتف
    قال : بس خطوة كمان .. وخطوة كمان
    يا اوصل نهاية السكة يا البير تجف

    عجبي!!




    يا حزين يا قمقم تحت بحر الضياع
    حزين أنا زيك و إيه مستطاع
    الحزن ما بقالهوش جلال يا جدع
    الحزن زي البرد ... زي الصداع

    عجبي!!!!


    في يوم صحيت شاعر براحة و صفا
    الهم زال و الحزن راح و اختفي
    خدني العجب و سألت روحي سؤال
    أنا مت ؟ و لا وصلت للفلسفة

    عجبي !!!


    avatar
    الكوتش2007
    لسة نونو..
    لسة نونو..

    أنا من : مصر

    ازيك.. : Good Shape Ya Man
    عدد المشاركات : 39

    درجة النشاط..~ : 44

    default رد: رباعيات صلاح جاهين

    مُساهمة من طرف الكوتش2007 في 31/10/2009, 10:35 pm




    avatar
    أسماء..
    زي العسل..
    زي العسل..

    أنا من : مصر

    ازيك.. : مقموص..
    عدد المشاركات : 360

    درجة النشاط..~ : 392

    default رد: رباعيات صلاح جاهين

    مُساهمة من طرف أسماء.. في 4/11/2009, 3:45 am

    مرورك هو الأروع يا كوتش

    نورت الرباعيات

    flower

    thnx2 على المرور الجميل





      الوقت/التاريخ الآن هو 23/10/2017, 7:13 am