قعدة أونلاين



يادي النور يادي الهنا.. نورتنا و الله.. سجل بقى أو أدخل لو كنت مسجل..

شوف انت عاوز ايه و خلصنا..!!

اقولك.. ادخل ادخل.. هاتتبسط و الله..

•°ميين؟؟ زائر ؟؟ اتاري القعدة منورة ..يا أهلا يا أهلا.. °•


    يـــاريتنــــي مـــا عملــت كــــــــده

    شاطر
    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default يـــاريتنــــي مـــا عملــت كــــــــده

    مُساهمة من طرف king of ghosts في 20/11/2009, 7:01 pm

    معاملة الوالدين للآبنائهم



    طبعاً كلنا عارفين يعنى ايه أب و يعنى ايه أم و يعنى ايه أولاد و يعنى ايه مسئولية و تحمل الظروف و الضغوطات .
    كلنا ساعات بنلاحظ ان ف اغلب العائلات ان دايماً بنلاقى الأب صعب جداً فى التعامل مع أولادة و ساعات بتبقى الأم مش الأب .


    هل
    يا جماعه المعاملة الجافة اللي دايماً بتبقى معتمدة علي العنف و الارهاب و
    التهديد و الرعب سواء كان من الأب أو من الأم ، المعاملة دي بتبقى ايه
    نتائجها ؟

    هل سلبية ؟ ام إيجابية ؟
    بجد نفسى الاقى جواب للسؤال دا ، لآن فى ناس كتير اووى بتقول إيجابيه و ناس تانيه برضه بتقول سلبية .
    هل التربية اللى بتبقى معتمدة ع العنف و الارهاب و الخوف بتبقى زي التربية اللى بتبقى مبنية ع التفاهم و الاحترام و الصدق و الأدب ؟


    طبعاً كلنا عارفين ان العنف بؤدي إلي :-

    1- الكدب .
    2- فقدان الانسان ثقته بنفسه .
    3- الكراهيه وعدم إحترام الآخريين .
    4- الضعف وفقدان الجرأة .
    5- الإجرام او فعل اشياء خاطئه و البعد كل البعد عن الدين و عن ربنا .
    طبعاً دي بعض الحاجات اللي العنف بيؤدي إليها .


    -------------------

    تعالوا بقى للمعامله الحسنة السليمة الطيبة :-

    1- الصدق و الأمانة .
    2- الثقة فى النفس .
    3- الأحترام و عدم التطاول ع الغير باى شكل من الاشكال .
    4- التقرب الدائم من ربنا ، والاهتمام بتعاليم الدين .
    5- الجرأة و عدم الخوف .
    دي بعص الحاجات اللي بتؤدي إليها المعاملة الحسنة السليمة .


    --------------------

    فيها
    ايه يا ناس لما كل أب او كل أم يعاملوا اولادهم بالحُسنى و يخافوا عليهم و
    يربوهم تربية سليمة خالية تماماً من العنف و الارهاب و الخوف و الرعب ..
    إلخ

    فيها ايه لما
    تصاحب ابنك من صغره فيها ايه لما تعمله حساب فأى مكان حتي لو كان أبنك
    صغير ، علٌي من شأن اولادك دائماً ولا تقلل من شأنهم مهما حصل .

    انا عاوز كل
    أب و كل أم كانوا بيعاملوا اولادهم معاملة مش كويسه او معامله مش سليمة ،
    يحاولوا يجربوا معاهم المعامله الحسنة الطيبة وشوفوا بنفسكم و لاحظوا
    الفرق شوفوا اولادكم بقوا عاملين ازاي ؟ هل اتغيروا ولا لسه زى ماهما ؟


    و
    الله يا جماعة العنف و المعاملة السيئة حاجه مش حلوة خالص و عمرها ماكانت
    عامل اساسي فى التربية ، و الله كل دا بينقلب عليكم انتوا و انتوا كده
    بتضروا اولادكم مش بتربوهم لما انت تبقى عامل لآبنك رعب و مخوفه منك ، هل
    لما تيجي تسأله فأي حاجه و ابنك عارف ان الاجابه هاتضايقك و ممكن تضربه ،
    هل الولد هايجاوبك بصدق و بصراحه ولا هايكدب عليك علشان مش تضربه ؟ طبعاً
    لازم يكدب و اللي بيكبر و اتعود علي حاجه عمره ما بيعرف يغيرها و لما يكبر
    عمره ما هايدعيلك دا بالعكس دا هايدعي عليك هايقول منك لله يابا انت اللي
    عملت فيها كده انت اللى وصلتني لكل دا كل اللي انا فيه دا بسبب معاملتك
    ليا .
    avatar
    أسماء..
    زي العسل..
    زي العسل..

    أنا من : مصر

    ازيك.. : مقموص..
    عدد المشاركات : 360

    درجة النشاط..~ : 392

    default رد: يـــاريتنــــي مـــا عملــت كــــــــده

    مُساهمة من طرف أسماء.. في 20/11/2009, 9:01 pm

    بجد موضوع مهم اوي يا كينج

    لأن أغلب الأباء المستبدين

    شايفين ان أولادهم أملاك خاصة

    يعني يتعمل فيه اللي هم عاوزينه

    وقراراتهم وحياتهم ملك ايد الأباء دول

    وبينسوا ان الابناء دول في يوم هايتحولوا لأباء هم كمان

    يعني انا مش باربي أطفال

    أنا بأربي أب وأم جايين

    يعني لازم أعلمهم وأوجههم واديلهم الاختيار

    مش أوجههم بالريموت كنترول

    وألغي شخصيتهم

    ويتحولوا لنسخة تانية مني!!


    ياريت بجد كل الأهالي تفوق

    وينسوا شوية حكاية "الملكية الخاصة"

    ويفتكروا ان ربنا رزقهم بالأطفال دول لسبب

    وهي اعمار الأرض

    بذرية نافعة تقيم حدود الله وتؤمر بأوامره وتنهي عن نواهيه

    بس برضه

    في نفس الوقت اللي الأب والأم بيصحبوا فيه أولادهم

    مش ينسوا ويشيلوا كل الحدود بينهم

    لأن لازم الأبناء كمان مش ينسوا الفرق بين صحابهم وأهلهم

    ولازم يبقى في احترام

    ونظرة ليهم انهم حد اعلى مني

    ومهما عرفت أو كانت خبرتي

    مش ممكن اعلى عليهم أو اتفه من رأيهم



    طولت في الرد

    لكن موضوع جميل اوي بصراحة

    مشكور يا كينج على مواضيعك المميزة زيك

    تقبل مروري

    و أجمل تقييم لأحلى عضو




    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: يـــاريتنــــي مـــا عملــت كــــــــده

    مُساهمة من طرف king of ghosts في 20/11/2009, 11:52 pm

    بعد ردك ده مفيش كلام وشكرا ليكي
    avatar
    الكوتش2007
    لسة نونو..
    لسة نونو..

    أنا من : مصر

    ازيك.. : Good Shape Ya Man
    عدد المشاركات : 39

    درجة النشاط..~ : 44

    default رد: يـــاريتنــــي مـــا عملــت كــــــــده

    مُساهمة من طرف الكوتش2007 في 22/11/2009, 10:47 am




    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: يـــاريتنــــي مـــا عملــت كــــــــده

    مُساهمة من طرف king of ghosts في 22/11/2009, 1:55 pm

    تسلملي يا غالي

      الوقت/التاريخ الآن هو 11/12/2017, 6:59 am