قعدة أونلاين



يادي النور يادي الهنا.. نورتنا و الله.. سجل بقى أو أدخل لو كنت مسجل..

شوف انت عاوز ايه و خلصنا..!!

اقولك.. ادخل ادخل.. هاتتبسط و الله..

•°ميين؟؟ زائر ؟؟ اتاري القعدة منورة ..يا أهلا يا أهلا.. °•


    اشهر الجمل اللي بيقولها , الام والاب في مصر

    شاطر
    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default اشهر الجمل اللي بيقولها , الام والاب في مصر

    مُساهمة من طرف king of ghosts في 17/11/2009, 6:39 pm

    اشهر الجمل اللى بيقولها الأب والأم فى مصر

    على مر مراحل العمرسواء الطفولة او المراهقة او الشباب فى كذا جملة لازم يتقالوا فى اغلب البيوت ده اذا ما كانش كل البيوت ... تعالوا كدا نشوف ...
    *مش عايزة اسمع صوت
    *ما تردش عليا
    *لو مش فاهم حاجة ارفع ايدك واقول للأستاذ مش فاهم ... ما تتكسفش
    *ومالها بس كتب الوزارة
    *بص كويس وانت بتعدى الشارع
    *البس شبشب ... ما تمشيش حافى
    *قوم صلى ربنا يهديك
    *اطفى التليفزيون واقوم ذاكر... التمثيلية مش حتنفعك بحاجة
    *كل على مهلك وامضغ الأكل كويس
    *كفاية رغى فى التليفون بأة
    *ما تقفش فى تيارات الهوا وانت مستحمى
    *ما تعليش صوتك عليا
    *اللى يكذب ربنا يدخله النار
    *يا بنى اللى ذاكر ذاكر وخلاص ... اقوم نام
    *ادى دقنى اهه لو فلحت
    *يا بنى كلم خالتك العيانة اسال عليها
    *اوعى حد غريب فى الشارع يديلك حاجة وتاخدها
    *لازم تاكل سلاطة خضرا
    *عيب لازم تحترم اللى اكبر منك
    *انت فاكرنى قاعد على تل فلوس ... اجيبلك منين
    *انت ما بتشبعش طلبات
    *قوم اقرالك كلمتين ينفعوك
    *ما تتكلمش بصوت عالى فى الحمام
    * والله ما انت فالح السنه دى
    *ما تلزقش فى التليفزيون كدة ... نظرك حيضعف
    *مش شايف ابن عمك فالح ازاى ... ياريت تبقى ربعه
    *اللى بيعوز يذاكر بيذاكر انشا لله حتى على لمبة جاز
    *ما تطلعش ايدك من شباك العربية
    *ربنا يرزقك بعيال يوروك اللى ورتهولى
    *ما تطلعش ع الملاية النظيفة ورجلك وسخة
    *حول القناة دى بلاش مسخرة وقلة ادب
    *طلع ايدك من جيبك وانت بتكلمنى
    *ما تحطيش ايدك فى جنبك وانتى بتكلمينى
    *بتبرطم بتقول ايه
    *انت فاكر انك كبرت خلاص ... مش حتكبر عليا
    * ربنا يفتح فى وشك الأبواب المقفلة
    avatar
    رومـانـسـي
    لسة نونو..
    لسة نونو..

    عدد المشاركات : 49

    درجة النشاط..~ : 37

    default رد: اشهر الجمل اللي بيقولها , الام والاب في مصر

    مُساهمة من طرف رومـانـسـي في 20/11/2009, 3:03 am

    تسلم ياكينج على الكلامات الحلوه الطريفة
    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: اشهر الجمل اللي بيقولها , الام والاب في مصر

    مُساهمة من طرف king of ghosts في 20/11/2009, 3:34 am

    تسلملي يا غالي ونورت التوبيك
    avatar
    Maher
    ابتدينا نمشي..
    ابتدينا نمشي..

    أنا من : مصر

    ازيك.. : Good Shape Ya Man
    عدد المشاركات : 73

    درجة النشاط..~ : 69

    default رد: اشهر الجمل اللي بيقولها , الام والاب في مصر

    مُساهمة من طرف Maher في 20/11/2009, 1:40 pm

    شكراً مواضيعك دايماً جميلة
    شكرااً
    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: اشهر الجمل اللي بيقولها , الام والاب في مصر

    مُساهمة من طرف king of ghosts في 20/11/2009, 2:35 pm

    تسلملي يا غالي

      الوقت/التاريخ الآن هو 11/12/2017, 12:21 pm