قعدة أونلاين



يادي النور يادي الهنا.. نورتنا و الله.. سجل بقى أو أدخل لو كنت مسجل..

شوف انت عاوز ايه و خلصنا..!!

اقولك.. ادخل ادخل.. هاتتبسط و الله..

•°ميين؟؟ زائر ؟؟ اتاري القعدة منورة ..يا أهلا يا أهلا.. °•


    كرسي الاعتراف

    شاطر
    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default كرسي الاعتراف

    مُساهمة من طرف king of ghosts في 30/10/2009, 12:40 am

    تذكير بمساهمة فاتح الموضوع :

    السلام عليكم ورحمه الله وبركاته

    الموضوع ببساطه عباره ان احنا هنختار واحد يقعد علي الكرسي هنا لمده مثلا 5ايام واي حد يسال العضو ده في اي حاجه ولازم العضو الي علي الكرسي يجاوب يارب الفكره تعجبكم ومعرفش اذا كان مكانها هنا صح ولا غلط المهم ترشحوا مين الي يقعد

    king of ghosts
    زي العسل..
    زي العسل..

    عدد المشاركات : 437

    default رد: كرسي الاعتراف

    مُساهمة من طرف king of ghosts في 31/10/2009, 3:59 am

    اه غلسه
    بصراحه معنديش فكره محدده بس فعلا حاسس انها ملخبظه مش منظمه وممكن اكون غلطان في راي
    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 2/11/2009, 12:42 am

    ايه الاسئله خلصت اقوم واخلي حد تاني يقعد مكاني
    avatar
    Maher
    ابتدينا نمشي..
    ابتدينا نمشي..

    أنا من : مصر

    ازيك.. : Good Shape Ya Man
    عدد المشاركات : 73

    درجة النشاط..~ : 69

    default رد: كرسي الاعتراف

    مُساهمة من طرف Maher في 3/11/2009, 3:13 am

    عندك كام صديق/صديقة ممكن تثق فيها جدا لكي تطلعها على أسرارك

    ايه اكتر اغنية اثرت فيك؟

    تجربة نفسك تكررها

    ما هو الشىء الذى تمنيت الا يحدث لك

    هل تؤمن بالحب من الانترنت ؟؟ (اة ) (لا) ولماذا؟

    ما هى افضل تجربة فى حياتك او موقف؟

    إيه اهدافك وطموحاك فى الحياه

    ماهى اكتر المواقف المضحكه فى حياتك
    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 3/11/2009, 2:27 pm

    عندك كام صديق/صديقة ممكن تثق فيها جدا لكي تطلعها على أسرارك
    3 اصدقاء
    ---------------------
    ايه اكتر اغنية اثرت فيك؟

    فيه اغاني كتير بس اكتر واحده طمني عليك لحبيب قلبي فؤش
    --------------------------
    تجربة نفسك تكررها
    اسوق وامشي علي 200
    --------------------------

    ما هو الشىء الذى تمنيت الا يحدث لك

    وفاه والدتي الله يرحمها بس طبعا ده قدر ربنا ومينفعش فيه التمني
    --------------------------
    هل تؤمن بالحب من الانترنت ؟؟ (اة ) (لا) ولماذا؟

    اه وليه بقي لاني شايفه حب زي اي حب وممكن تعرف واحده معاك في الشغل اوفي الجامعه او جارتك او قريبتك بس اهم حاجه في الحب ده هيا الصدق من الطرفين
    --------------------------
    ما هى افضل تجربة فى حياتك او موقف؟
    التجارب والمواقف كتير بس افضلهم كان الحب
    -------------------------
    إيه اهدافك وطموحاك فى الحياه

    اني اكون في مرتبه اكتر من الي انا فيها في شغلي واتجوز
    -------------------------
    ماهى اكتر المواقف المضحكه فى حياتك
    هو فيه كتير بس اخر موقف لسه حاصلي امبارح بليل العربيه عطلت مني فبتصل با خويا بقله انا عطلان في المكان الفلاني لاقيته بيقلي انا عطلان وراك ب 100 متر اهو
    ---------------------------------------------
    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 6/11/2009, 2:24 am

    يلا يا اسماء تعالي اقعدي يلا انا هروح اكل واجي اسالك كام سؤال صغننين
    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 6/11/2009, 3:30 am

    الحمدلله ايوه كده ابدا اسال
    والله صعبانه عليا يلا بقي نصيبك كده

    بسم الله الرحمن الرحيم

    اسمك الحقيقي بالكامل ؟
    سنك ؟
    خريج كلية ايه واي جامعه؟
    من اي بلد ومستقر فين؟
    الاسره تتكون من كام فرد وترتيبك فيهم؟
    ماطبيعة عملك ان كنت تعمل؟
    ماقصتك مع قعده اون لاين
    حكمتك في الحياه؟
    هواياتك؟
    اكتر يوم كنت سعيد فيه؟ (ربنا يجعل كل ايامك سعيده يارب)
    اكتر يوم حزنت فيه؟(ربنا يبعد عنك كل شر)
    اكتر موقف ضحكك؟

    جملت كام واحد فى المنتدى وظلمت كاااااااااااااام واحد فى المنتتدى
    اية اكتر رد فى موضوع انتي عملتيه حسيتي انك عاوزه تضربي صاحب الرد بالجزمة

    مين اكتر عضو او عضوة او مشرف او مشرفة بتقدريه فى المنتدى

    مين الاصدقاء الحققين اللى انتي تقدري تقولي عليهم صحابك هنا في المنتدى

    - اية اكتر رد حسيتي انك اتحرجتي لما قريتة واكتر رد زعلك وجرحك
    هل انتي عصبيه
    هل تؤمنين بالزواج او الحب عن طريق النت
    اكلتك المفضله
    مطربك ومطربتك المفضلين
    الممثل والممثله المفضله
    اكتر اغنبيه بتحبيها
    لونك المفضل

    لو حد قالك عايزين افكار جديده في المنتدى تقولو ايه؟

    ماهو افضل قسم من وجهة نظرك في المنتدى وماهو افشل قسم في المنتدى؟مع التعليل
    جاوبي علي دول لحد ما افكر في الاسئله
    avatar
    أسماء..
    زي العسل..
    زي العسل..

    أنا من : مصر

    ازيك.. : مقموص..
    عدد المشاركات : 360

    درجة النشاط..~ : 392

    default رد: كرسي الاعتراف

    مُساهمة من طرف أسماء.. في 6/11/2009, 4:03 am

    huhh

    ايهـ داااااااااااااا؟؟

    انت دبستني؟؟

    Crying or Very sad

    ليه كده بس

    هو انا عملتلك ايه

    دي حتى اسألتي كانت سهلة

    Embarassed tongue

    وايييييييييييييييييييييه الأسألة دي كلها

    انت ما صدقت؟؟ zrgona

    هاعمل ايه بس.. أمري لله

    شوية وأجي اجاوب yrb




    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 6/11/2009, 4:14 am

    اه دبستك

    وبعدين دول للتسخين انا لسه هسأل
    avatar
    أسماء..
    زي العسل..
    زي العسل..

    أنا من : مصر

    ازيك.. : مقموص..
    عدد المشاركات : 360

    درجة النشاط..~ : 392

    default رد: كرسي الاعتراف

    مُساهمة من طرف أسماء.. في 6/11/2009, 4:23 am

    الحمدلله ايوه كده ابدا اسال
    والله صعبانه عليا يلا بقي نصيبك كده

    بسم الله الرحمن الرحيم
    بسم الله

    اسمك الحقيقي بالكامل ؟

    أسماء عطية

    سنك ؟
    26


    خريج كلية ايه واي جامعه؟
    ألسن انجليزي/عين شمس

    من اي بلد ومستقر فين؟
    من مصر ومستقرة في مصر برضه/القاهرة

    الاسره تتكون من كام فرد وترتيبك فيهم؟
    احنا خمسة

    وانا الأخت الصغيرة لولدين

    ماطبيعة عملك ان كنت تعمل؟
    أنا مترجمة


    ماقصتك مع قعده اون لاين
    قصتي انها طلعت في دماغي في الأول عشان اجرب واشوف المنتدى بيتعمل ازاي
    وجت في دماغي أفكار كتير حبيت انفذها ومش لقيتها في منتديات تانية
    واهو لسة في اوله ربنا يسهل ويكبر على ايد اجمل اعضاء وانت اولهم


    حكمتك في الحياه؟
    حكمتي: ليس كل ما يتمناه المرء يدركه

    هواياتك؟
    بحب أصمم أزياء ،وبحب الديكور، وبحب اكتب قصص وخواطر.. وكنت بحب ارسم لكني بطلت بقالي زمن

    اكتر يوم كنت سعيد فيه؟ (ربنا يجعل كل ايامك سعيده يارب)
    الله يخليك ويسعدك طول عمرك ان شاء الله
    اكتر يوم لما اول ابن لاخويا الكبير اتولد
    وكمان لما ابتدى يمشي


    اكتر يوم حزنت فيه؟(ربنا يبعد عنك كل شر)
    يوم وفاة جدي
    الله يرحمه


    اكتر موقف ضحكك؟

    مش فاكرة حاجة معينة بجد
    بس الحمد لله في حاجات كتير بتحصل وبتضحكني

    جملت كام واحد فى المنتدى وظلمت كاااااااااااااام واحد فى المنتتدى
    ههههههههههههههههه لا لسة مش جاملت حد (ومال كام التانية طويلة كده )

    اية اكتر رد فى موضوع انتي عملتيه حسيتي انك عاوزه تضربي صاحب الرد بالجزمة
    ههههههههههههههههههههههه

    بالجزمة يا مفتري

    هو حصل بس مكنش هنا

    كان منتدى تاني وكان نفسي فعلا اضربه بحاجة عشان يفوق

    مين اكتر عضو او عضوة او مشرف او مشرفة بتقدريه فى المنتدى
    لسة هنا مش ليا معرفة بالأعضاء
    لكن ما شاء الله في واحد اسمه king of ghosts منور المنتدى كله

    مين الاصدقاء الحققين اللى انتي تقدري تقولي عليهم صحابك هنا في المنتدى
    للأسف هم غايبين لظروف شغلهم
    ومن الحاليين اعتقد ان كسبت اتنين اخوات مش صحاب بس كمان

    انت وماهر

    - اية اكتر رد حسيتي انك اتحرجتي لما قريتة واكتر رد زعلك وجرحك
    لا مفيش الحمد لله

    هل انتي عصبيه
    جدااااا.. بس بحاول مش اطلع عصبيتي على حد
    باتنرفز جوة نفسي بس
    هل تؤمنين بالزواج او الحب عن طريق النت
    لأ

    اكلتك المفضله
    الفراخ المشوية


    مطربك ومطربتك المفضلين
    فيرووووز وبس

    الممثل والممثله المفضله
    أحمد حلمي وبس برضه

    اكتر اغنبيه بتحبيها
    اغنية بكتب اسمك بتاعة فيروز

    لونك المفضل
    الروز

    لو حد قالك عايزين افكار جديده في المنتدى تقولو ايه؟
    هاقوله نفذها ولو مش عارف هاقوله يشرح لي انا او ماهر اواي مدير وهو ينفذها
    عشان المنتدى بتاع الأعضاء ولازم يلاقوا اللي محتاجينه

    ماهو افضل قسم من وجهة نظرك في المنتدى وماهو افشل قسم في المنتدى؟مع التعليل
    ههههههههههههههههههههه
    الحقيقة دلوقتي مش ينفع احكم بالنجاح او الفشل عشان نسبة المشاركة والاعضاء محدودة
    فا الميول والاهتمامات محدودة ومش ينفع نحكم على أساسها

    جاوبي علي دول لحد ما افكر في الاسئله
    لا ابوس يدك ما تفكرش

    قوم نام انت شكلك مرهق


    __________

    ميرسي يا كينج على الاسالة اللذيذة دي

    بجد اتبسطت وانا بجاوب عليها




    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 6/11/2009, 5:19 am

    اجابات ممتازه شطوره .. وطبعا جبتي سيرتي في النص فلازم اقلك ميرسي والحركات دي ومن ناحيه مرهق فانا مش مرهق انا كينج

    المهم بقي نبدا نسال

    لو خيروكي بين القعده هنا وبين منتدي تاني هيبقي ليكي برضه وفيه اعضاء كتيييييييير تختاري ايه ؟ وبلاش دبلوماسيه

    لو كسبتي مليون جنيه هتعملي بيهم ايه؟
    مره كده وانتي ماشيه في الشارع وفجأه لاقيتي قدامك اسد هتعملي ايه؟
    وانتي خارجه من شغلك بطلعي فلوس علشان تروحي وفجأه لاقيتي معكيش فلوس والموبيل فاصل شحن وصحابك الي في الشغل كلهم روحوا<قفلتها في وشك صح>المهم هتتصرفي ازاي
    لوكنتي محاميه .. تترفعى فى قضية نسيتى القضية اية يعنى تقدرى تقولى جالك زهيمر ومخك وقف ومش فاكرة حتى اسم المتهم اية ومفيش امل تفتكرى هتعملى اية مع كل من

    صاحب القضية ودا جزاااااااااار غبى مبيتفهمش
    القاضى وكان عصبى جدا
    الصحافة وكنتى سعتها مشهورة والصحافة والاعلام كلة حاضر القضية بتاعت الاستاذ رشا احمد
    عائلة الموكل وانتى عارفة طبعا انهم زى الجزار وكانو كلهم بلا استثناء حاضرين القضية؟؟
    ما هو اهم شئ فى حياتك روتين بتعمليه كل يوم ؟
    ايــة القســم اللـي مـفضـلك لـديكي
    كان نفسك في ايه و متحققش و زعلتي عليه
    بتحبي تعملي ايه اول حاجه لما تصحي من النوم
    مين الي بتشوفي وشه تقولي يا ساتر يارب يوم مش هيعدي
    مين الي بتشوفي وشه تقولي دا يوم هيبقي عسل قوي
    الــ 17 سنه فيهم كام دقيقه
    لو معاكي 3 وردات ....تديهم لمين؟مش شرط بالترتيب
    مين اكتر شخصيه اثرت فيكي في حياتك
    باقه شوك لمن تهديها
    لو معاكي قطعه فحم...وامامك حائط ابيض،ياتري هاتعملي ايه
    تحبي تخرجي لوحدك ولا مع اصحابك؟
    بتحبي البحر والشغل بتاع السرحان داه ووكدا ولالا انتي واقعيه اكتر؟

    في حد كسفك قبل كده
    ايه اكتر الالوان اللى بترتاحى لما تبصى لها وليه؟
    لما بيكون عندك حاجه او سر يعنى بتحبى تقوليه لواحده صاحبتك ولا لوالدتك؟
    ماهو اطول نهر في العالم؟

    /ماهي اكبر شبه جزيره في العالم؟
    /ماهي اكبر صحراء في العالم؟

    ماهي اطول سلسلة جبال في العالم؟

    ماهي اعلى قمه في العالم؟


    انتي كان نفسك بحاجه او مستقبل غير مستقبلك او غير ا لوضع الي انتي فيه دلوقتي ؟
    ممكن توصفيلي الكلمات الـي تحت دي فيما لا يزيد عن 3 كلمات لكل
    الحقد

    الحسد

    الحب
    الصادق

    الصديق الوفي

    مصر

    الحياة

    كفايه كده ايديا وجعتني وياتري لسه مبسوطه وانتي بتجاوبي
    avatar
    أسماء..
    زي العسل..
    زي العسل..

    أنا من : مصر

    ازيك.. : مقموص..
    عدد المشاركات : 360

    درجة النشاط..~ : 392

    default رد: كرسي الاعتراف

    مُساهمة من طرف أسماء.. في 6/11/2009, 1:07 pm

    ايه كل دا

    حرااااااااااااام علييييييييييك

    منه له ،، منه له

    هاجي اجاوب بعد شوية وامري لله

    قلبي وربي ***** عليك يا كينج




    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 6/11/2009, 3:14 pm

    مالها دي امال لما ابدا اسال هتعمل ايه
    avatar
    أسماء..
    زي العسل..
    زي العسل..

    أنا من : مصر

    ازيك.. : مقموص..
    عدد المشاركات : 360

    درجة النشاط..~ : 392

    default رد: كرسي الاعتراف

    مُساهمة من طرف أسماء.. في 6/11/2009, 3:48 pm

    اجابات ممتازه شطوره .. وطبعا جبتي سيرتي في النص فلازم اقلك ميرسي والحركات دي ومن ناحيه مرهق فانا مش مرهق انا كينج

    هههههههههههههههههههههه
    يا حركاتك
    يا مرهق...قصدي يا كينج

    المهم بقي نبدا نسال
    يلا
    ،،،،،،،،،،،،،،،،،،،،،،،،،،،،،،
    لو خيروكي بين القعده هنا وبين منتدي تاني هيبقي ليكي برضه وفيه اعضاء كتيييييييير تختاري ايه ؟ وبلاش دبلوماسيه


    هه؟؟

    ايه الاسألة دي
    لا مش هاسيب القعدة هنا اانا بحبها


    ،،،،،،،،،،،،،،،،،،،،،،،،،،،،،،
    لو كسبتي مليون جنيه هتعملي بيهم ايه؟
    مليون جنيه مرة واحدة
    مممم

    هاروح انا واهلي نحج أول حاجة

    وبعدين أروق نفسي بقى
    ممكن اعمل مشروع صغنن(يدوب اصلا لو كفوا المليون جنيه )

    ،،،،،،،،،،،،،،،،،،،،،،،،،،،،،،
    مره كده وانتي ماشيه في الشارع وفجأه لاقيتي قدامك اسد هتعملي ايه؟
    أسهل حاجة يغمى عليا عشان مش احس بحاجة
    ،،،،،،،،،،،،،،،،،،،،،،،،،،،،،،
    وانتي خارجه من شغلك بطلعي فلوس علشان تروحي وفجأه لاقيتي معكيش فلوس والموبيل فاصل شحن وصحابك الي في الشغل كلهم روحوا<قفلتها في وشك صح>المهم هتتصرفي ازاي

    هاخدها مشي
    الحمد لله البيت مش بعيد أوي عن الشغل

    ،،،،،،،،،،،،،،،،،،،،،،،،،،،،،،
    لوكنتي محاميه .. تترفعى فى قضية نسيتى القضية اية يعنى تقدرى تقولى جالك زهيمر ومخك وقف ومش فاكرة حتى اسم المتهم اية ومفيش امل تفتكرى هتعملى اية مع كل من

    صاحب القضية ودا جزاااااااااار غبى مبيتفهمش
    القاضى وكان عصبى جدا

    الصحافة وكنتى سعتها مشهورة والصحافة والاعلام كلة حاضر القضية بتاعت الاستاذ رشا احمد
    عائلة الموكل وانتى عارفة طبعا انهم زى الجزار وكانو كلهم بلا استثناء حاضرين القضية؟؟

    ههههههههههههههههههه

    ايه يبني دا

    دا انت عاوز تخلص مني

    هاطلب من القاضي تأجيل الجلسة نظرا لحدوث تغييرات جوهرية في الدفاع
    ،،،،،،،،،،،،،،،،،،،،،،،،،،،،،،

    ما هو اهم شئ فى حياتك روتين بتعمليه كل يوم ؟

    ممممم مش في حاجة معينة
    ،،،،،،،،،،،،،،،،،،،،،،،،،،،،،،

    ايــة القســم اللـي مـفضـلك لـديكي

    ورشة ابداع الأعضاء

    ،،،،،،،،،،،،،،،،،،،،،،،،،،،،،،

    كان نفسك في ايه و متحققش و زعلتي عليه


    كنت هاطلع عمرة وخلصت ورقي وكل حاجة وفجأة السفرية اتلغت
    زعلت اوي ساعتها
    بس ان شاء الله ربنا يكتبهالي قريب

    ،،،،،،،،،،،،،،،،،،،،،،،،،،،،،،
    بتحبي تعملي ايه اول حاجه لما تصحي من النوم
    أصلي وبعدين اشرب نيسكافيه

    ،،،،،،،،،،،،،،،،،،،،،،،،،،،،،،

    مين الي بتشوفي وشه تقولي يا ساتر يارب يوم مش هيعدي

    هههههههههههههههههههههه

    لا لا مش باتشائم انا من حد الحمد لله

    ،،،،،،،،،،،،،،،،،،،،،،،،،،،،،،

    مين الي بتشوفي وشه تقولي دا يوم هيبقي عسل قوي

    ولاد اخواتي
    ،،،،،،،،،،،،،،،،،،،،،،،،،،،،،،

    الــ 17 سنه فيهم كام دقيقه

    61689600؟؟
    صح دا؟؟

    ،،،،،،،،،،،،،،،،،،،،،،،،،،،،،،
    لو معاكي 3 وردات ....تديهم لمين؟مش شرط بالترتيب

    واحدة لماما وبابا (يقسموها سوا بقى )
    وواحدة ليا
    وواحدة هاشيلها لـ اللي ليا نصيب معاه

    ،،،،،،،،،،،،،،،،،،،،،،،،،،،،،،

    مين اكتر شخصيه اثرت فيكي في حياتك
    ماما وبابا
    ،،،،،،،،،،،،،،،،،،،،،،،،،،،،،،

    باقه شوك لمن تهديها
    لكل واحد مفتري وكل اللي بيئذوا المستضعفين والمسلمين وبيهينوا أشرف الخلق- عليه الصلاة والسلام- عن جهل أو عن عمد
    ،،،،،،،،،،،،،،،،،،،،،،،،،،،،،،
    لو معاكي قطعه فحم...وامامك حائط ابيض،ياتري هاتعملي ايه

    ههههههههههههه

    هاستعيد مشاعر الطفولة واقعد ارسم

    ،،،،،،،،،،،،،،،،،،،،،،،،،،،،،،
    تحبي تخرجي لوحدك ولا مع اصحابك؟

    لأ، أحب أخرج مع اصحابي او اهلي
    ،،،،،،،،،،،،،،،،،،،،،،،،،،،،،،
    بتحبي البحر والشغل بتاع السرحان داه ووكدا ولالا انتي واقعيه اكتر؟
    هههههههههههههههههههه
    لا بحبه بس يبقى في حد بيشاركني فيه
    مش ابقى قاعدة لوحدي كده سرحانة في لا شئ

    ،،،،،،،،،،،،،،،،،،،،،،،،،،،،،،
    في حد كسفك قبل كده

    يوووه اكيييييييييييييد

    بس الحمد لله كل مرة ربنا بيجيب لي حقي من غير اما اعمل حاجة

    ،،،،،،،،،،،،،،،،،،،،،،،،،،،،،،
    ايه اكتر الالوان اللى بترتاحى لما تبصى لها وليه؟

    الأبيض والأزرق الفاتح والروز
    عشان ألوان هادية ورقيقة ومريحة للعين

    ،،،،،،،،،،،،،،،،،،،،،،،،،،،،،،
    لما بيكون عندك حاجه او سر يعنى بتحبى تقوليه لواحده صاحبتك ولا لوالدتك؟
    لماما
    ،،،،،،،،،،،،،،،،،،،،،،،،،،،،،،
    ماهو اطول نهر في العالم؟
    النيل الغلبان

    ،،،،،،،،،،،،،،،،،،،،،،،،،،،،،،

    /ماهي اكبر شبه جزيره في العالم؟
    شبه الجزيرة العربية
    ،،،،،،،،،،،،،،،،،،،،،،،،،،،،،،
    /ماهي اكبر صحراء في العالم؟الصحراء الافريقية الكبرى
    ،،،،،،،،،،،،،،،،،،،،،،،،،،،،،،

    ماهي اطول سلسلة جبال في العالم؟
    (هي الأسألة مالها قلبت على امتحان جغرافيا
    )

    الهيمالايا

    ،،،،،،،،،،،،،،،،،،،،،،،،،،،،،،

    ماهي اعلى قمه في العالم؟
    افرست
    ،،،،،،،،،،،،،،،،،،،،،،،،،،،،،،

    انتي كان نفسك بحاجه او مستقبل غير مستقبلك او غير ا لوضع الي انتي فيه دلوقتي ؟

    لا الحمد لله انا احسن من اللي كنت باتمناه
    ،،،،،،،،،،،،،،،،،،،،،،،،،،،،،،
    ممكن توصفيلي الكلمات الـي تحت دي فيما لا يزيد عن 3 كلمات لكل
    الحقد
    سرطان النفس
    ،،،،،،،،،،،،،،،،،،،،،،،،،،،،،،

    الحسد
    زيه زي الحقد

    ،،،،،،،،،،،،،،،،،،،،،،،،،،،،،،
    الحب الصادق
    قليل من رأوه

    الصديق الوفي

    عملة نادرة


    مصر
    حبيبتي اللي مستحملانا

    الحياة
    جسر إلى الآخرة

    كفايه كده ايديا وجعتني وياتري لسه مبسوطه وانتي بتجاوبي
    أحسن

    أه مبسوطة بسمش تيجي هنا تاني

    بس قول لي

    هو انت متأكد ان انت مهندس؟؟

    ماطلعتش وكيل نيابة ليه ولا ظابط مباحث؟؟

    كنت هاتبقى ممتاز




    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 6/11/2009, 6:23 pm

    ههههههههههههه كتير قالولي سيبك من الهندسه واشتغل مع المباحث لا يقه عليك اكتر بس انا مصدقتهمش طبعا
    المهم نتكلم جد بقي هششش وبعدين لو مش عايزين اسالك تاني قولي متكسفيش عادي يعني انا ديمقراطي جداا

    بما اني ديمقراطي مش هستني ردك ويلا جاوبي علي دووووول

    احكيلنا اطرف موقف اتعرضتي ليه وانت في الثانويه العامه

    هي الحاجه الي لما مامتك بتطلبها منك تعمليها بتنرفزي كده

    وخلاصصص مش عايزة تعمليها وكانك حتعمليها غصب عنك؟


    اه وسوال تاني ايه اكتر حاجه بتحبيها بشغل البيت هههههه


    إمتي حسيتي إنك إتعرضتي لظلم كبير

    إيه هو الموضوع اللي ماعملتيهوش وكان نفسك تعمليه .. وياتري حد عمل الموضوع ده ولا لسه وهانشوفه قريب ؟؟
    بتحبي القرايه ؟؟ وبتقري لمين ؟؟!! وإيه آخر كتاب قريتيه
    ايه هوا الشي الجميلالي بتحبيه بالطبيعه ؟
    اكتر حاجه بتحسسك بالحزن؟
    من اكتر عضو بتحبي تشوفي مواضيعه او حتى ردوده؟

    <ده علي اساس انهم كتير يعني >

    بس ان شاء الله يكترو ويبقي المنتدي هنا الدنيا كلها بتكلم عنه
    تفتكري الفكره بتاعت كرسي الاعتراف حلوه ولا وحشه؟


    زهقت من اسئلتى ولا لسة
    avatar
    أسماء..
    زي العسل..
    زي العسل..

    أنا من : مصر

    ازيك.. : مقموص..
    عدد المشاركات : 360

    درجة النشاط..~ : 392

    default رد: كرسي الاعتراف

    مُساهمة من طرف أسماء.. في 12/11/2009, 9:19 pm

    انا مش اخدت بالي خالص ان في اسألة تاني والله

    انا أسفة جدااااااااااا

    وجاري الاجابة عن الاستجواب Cool




    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 12/11/2009, 9:24 pm

    مخديش بالك اممممممممم طيب عقاب ليكي بليل هتلاقي استجوابات تانيه قصدي اسئله
    avatar
    أسماء..
    زي العسل..
    زي العسل..

    أنا من : مصر

    ازيك.. : مقموص..
    عدد المشاركات : 360

    درجة النشاط..~ : 392

    default رد: كرسي الاعتراف

    مُساهمة من طرف أسماء.. في 12/11/2009, 9:33 pm

    ههههههههههههه كتير قالولي سيبك من الهندسه واشتغل مع المباحث لا يقه عليك اكتر بس انا مصدقتهمش طبعا
    المهم نتكلم جد بقي هششش وبعدين لو مش عايزين اسالك تاني قولي متكسفيش عادي يعني انا ديمقراطي جداا

    بما اني ديمقراطي مش هستني ردك ويلا جاوبي علي دووووول

    فعلا .. ونعم الديموقراطية

    احكيلنا اطرف موقف اتعرضتي ليه وانت في الثانويه العامه

    اممممممم
    هي ثانوية عامة دي فيها اي حاجة طريفة؟؟
    بس مرة كنت في درس
    وماكنتش طايقة المدرس
    وبعد اما الدرس خلص
    عملت كده بالظبط--> (يعني اخيرا هانرتاح منك)
    واتارييييه شايفني في مراية مستخبية
    وقاللي على فكرة عيب كده انا شايفك

    كنت في نص هدومي بصراحة
    بس طبعا قلبتها انا وصحابي ضحك وتريقة بعدها

    هي الحاجه الي لما مامتك بتطلبها منك تعمليها بتنرفزي كده
    وخلاصصص مش عايزة تعمليها وكانك حتعمليها غصب عنك؟

    لما كانت بتقولي قومي زاكري
    بس مش كنت باتنرفز عليها طبعا
    الحمد لله خلصت مزاكرة وربنا رحمني




    اه وسوال تاني ايه اكتر حاجه بتحبيها بشغل البيت هههههه

    الطبيخ

    إمتي حسيتي إنك إتعرضتي لظلم كبير
    ممممممم
    لا مش حسيتها لسة والحمد لله

    إيه هو الموضوع اللي ماعملتيهوش وكان نفسك تعمليه .. وياتري حد عمل الموضوع ده ولا لسه وهانشوفه قريب ؟؟

    نفسي اعمل موضوع في مجال تخصصي عن الترجمة يعني.. ويكون بسيط يفهمه اي شخص مش متخصص في الترجمة
    وان شاء الله ناوية اعمله قريب
    بس اما احضر خطة الدروس عشان الموضوع كبير

    بتحبي القرايه ؟؟ وبتقري لمين ؟؟!! وإيه آخر كتاب قريتيه
    اه بحبها جداااا
    ومش بحب اقرا لحد معين
    بحب نوعية كتابة معينة
    وهي التشويق والرعب
    واخر حاجة قريتها الغرفة 207

    ايه هوا الشي الجميلالي بتحبيه بالطبيعه ؟
    الورود والحيوانات الصغيرة

    اكتر حاجه بتحسسك بالحزن؟
    الفراق

    من اكتر عضو بتحبي تشوفي مواضيعه او حتى ردوده؟



    ()

    بس ان شاء الله يكترو ويبقي المنتدي هنا الدنيا كلها بتكلم عنه

    يارب يسمع منك ربنا

    كل حد بيشارك بمواضيع جديدة ومميزة باحب مواضيعه

    تفتكري الفكره بتاعت كرسي الاعتراف حلوه ولا وحشه؟

    حلووووة اوي

    بس وحد غيري قاعد عليه


    لا هي جميلة بجد وبتخلي الاعضاء تقرب من بعض

    ولو في اعضاء جديدة انضمت يكفيهم يقروا جلسات الاعتراف القديمة وهم يتعرفوا على الاعضاء

    زهقت من اسئلتى ولا لسة

    هه؟؟


    هههههههههههههههههههههه

    لا مش زهقت بس كفاية

    دا انت عصرتني يا شيخ



    بيس بقى الله يكرمك

    هههههههههههههههههه

    لا بجد اسألتك كانت حلوة اوي ومش مملة

    ميرسي ليك على الفكرة أولا وعلى استضافتي ثانيا

    واتمنى ان اجاباتي ماتكونش مملة




    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 13/11/2009, 12:45 am

    طبعا كنتي منوره الكرسي وميرسي لذوقك يلا هنعفو عنك ويلا اختاري حد يقعد مكانك
    avatar
    أسماء..
    زي العسل..
    زي العسل..

    أنا من : مصر

    ازيك.. : مقموص..
    عدد المشاركات : 360

    درجة النشاط..~ : 392

    default رد: كرسي الاعتراف

    مُساهمة من طرف أسماء.. في 16/11/2009, 3:03 pm

    دا نورك يا كينج

    الله يخليك يا جميل

    طيب انا هاختار عضوة جميلة معانا


    Ocean Heart

    عشان انا بحبها اوي ونفسي اتعرف عليها اكتر






    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 16/11/2009, 4:25 pm

    طيب ابعتي ليها رساله علشان تنورنا ونبدأ ن سالها الاسئله الصغيره بتاعتي
    avatar
    ocean heart
    {مشرفة على قعدة الروقان}

    أنا من : مصر

    ازيك.. : حالة حُب..
    عدد المشاركات : 157

    درجة النشاط..~ : 167

    default رد: كرسي الاعتراف

    مُساهمة من طرف ocean heart في 16/11/2009, 4:47 pm

    ربنا يخليكى يا اسماء طبعا موافقه

    بس الرحمه شويه من الكينج
    احنا برده اخوات
    قولولى ابدأ امتى وانا جاهزه
    وبعدين بلاش الاسئله الثافيه احنا مش فى امتحان
    المفروض كلها اسئله شخصيه
    ومن قبل ما ابدأ مش حقول اسمى وده السؤال الوحيد اللى مش حجاوب عليه
    بعد اذن الجميع

    وشكرا لكم مقدما










    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 16/11/2009, 5:09 pm

    منوره الكرسي ومتخفيش انا اقل واحد بسأل اسئله هنا

    بسم الله الرحمن الرحيم

    عبر عن شخصيتك بكلمتين

    2- لو معاك 3 وردات تهديهم لمين

    3- اجمل صدفة فى حياتك

    4- شخص لا ترفض له طلباً

    5-اكتر يوم بتحبه فى ايام الاسبوع

    7- المطرب المفضل - الممثل المفضل

    8- لو اديتك ورقة وقلم تكتب ايه
    9- اعتذار تقدمه لمن

    10- اكتر حاجة بتعصبك

    11- واكتر حاجة تفرحك؟

    12- اكتر عضو تعجبك مواضيعه
    avatar
    ocean heart
    {مشرفة على قعدة الروقان}

    أنا من : مصر

    ازيك.. : حالة حُب..
    عدد المشاركات : 157

    درجة النشاط..~ : 167

    default رد: كرسي الاعتراف

    مُساهمة من طرف ocean heart في 16/11/2009, 5:20 pm

    عبر عن شخصيتك بكلمتين

    صريحه متواضه

    2- لو معاك 3 وردات تهديهم لمين

    لبناتى التلاته

    3- اجمل صدفة فى حياتك

    يوم ما قبلت زوجى

    4- شخص لا ترفض له طلباً

    زوجى لانى بحبه جدا

    5-اكتر يوم بتحبه فى ايام الاسبوع

    الخميس بحبه اوى

    7- المطرب المفضل - الممثل المفضل

    بص انا بطلت اسمع اغانى
    بس بصراحه بحب كاظم وما كنتش بسمع غيره ادعيلى ربنا يثبتنى
    اما الممثلين بحب احمد السقا ومنى ذكى

    8- لو اديتك ورقة وقلم تكتب ايه
    لا اله الا الله محمد رسول الله

    9- اعتذار تقدمه لمن

    للدنيا كلها ولاى حد ممكن اكون جرحته من غير ما اشعر


    لانى فعلا ما بحبش ازعل اى حد ولو بكلمه

    10- اكتر حاجة بتعصبك

    ان حد يستفذنى او يساومنى على حاجه

    او يكون غلطان ويكابر

    12- اكتر عضو تعجبك مواضيعه
    اسماء

    الحمد لله فى انتظار الباقى










    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 16/11/2009, 5:58 pm

    يارب يثبتك علي عدم سماع الاغاني يارب
    ولسه هنكمل اسئلتي الصغيره التانيه كمان شويه
    avatar
    ocean heart
    {مشرفة على قعدة الروقان}

    أنا من : مصر

    ازيك.. : حالة حُب..
    عدد المشاركات : 157

    درجة النشاط..~ : 167

    default رد: كرسي الاعتراف

    مُساهمة من طرف ocean heart في 16/11/2009, 6:01 pm

    وانا منتظره










    avatar
    king of ghosts
    زي العسل..
    زي العسل..

    أنا من : مصر

    ازيك.. : لولولولي..!!
    عدد المشاركات : 437

    درجة النشاط..~ : 579

    default رد: كرسي الاعتراف

    مُساهمة من طرف king of ghosts في 16/11/2009, 6:17 pm

    ماهو افضل قسم من وجهة نظرك في المنتدى وماهو افشل قسم في المنتدى؟مع التعليل

    حكمتك في الحياه؟
    هواياتك؟
    ايــة القســم اللـي مـفضـلك لـديكي

    ممكن توصفيلي الكلمات الـي تحت دي فيما لا يزيد عن 3 كلمات لكل
    الحقد

    الحسد

    الحب الصادق

    الصديق الوفي

    مصر

    الحياه

      الوقت/التاريخ الآن هو 11/12/2017, 12:31 pm