قعدة أونلاين



يادي النور يادي الهنا.. نورتنا و الله.. سجل بقى أو أدخل لو كنت مسجل..

شوف انت عاوز ايه و خلصنا..!!

اقولك.. ادخل ادخل.. هاتتبسط و الله..

•°ميين؟؟ زائر ؟؟ اتاري القعدة منورة ..يا أهلا يا أهلا.. °•


    محدش يفهمني غلط!!!!!

    شاطر
    avatar
    Maher
    ابتدينا نمشي..
    ابتدينا نمشي..

    أنا من : مصر

    ازيك.. : Good Shape Ya Man
    عدد المشاركات : 73

    درجة النشاط..~ : 69

    default محدش يفهمني غلط!!!!!

    مُساهمة من طرف Maher في 28/10/2009, 2:49 am

    تعالى نحسبها

    تعالى نحسبها بالعقل وبلاش نتهور و بلاش نتسرع
    فى كام حاجة لازم تبقى موجودة محتاجين حد يتبرع

    ده فى شبكة وهتبقى الدنيا ربكة وآه ده الحالة مش مساعدة
    وكمان فى حفلة ولازم رقاصة وزفة لماما وبابا يدونى علقة

    دى جوازة مش جنازة هنجيب الزاى التلاجة ولا حتى المكوة
    طيب اوضة النوم مقدمها منين ولا عايزانا نروح أنا وانتى هفوة

    والفرش منين ولا للجيران هنبقى مكشوفين ونقول اصل الجو حر
    يا حبيبتى بلاش تعقيد الجواز يعنى تقليد أعمى ومحدش فينا مضطر

    طب قولى لى أروح ازاى لبابا واقول له ياعم الحج طالب القرب منك
    وأقول له ازاى أنا معنديش حتى شقة أعيش فيها أنا والمحروسة بنتك

    يقول مالكش لزمة روح اضرب نفسك بالجزمة وماشوفش وشك تانى
    ويفضل يشتم فيا ويفرج جيرانكم عاليا ومش بعيد يرمينى فى ثوانى

    ويا خوفى من مامتك تمسكنى نظرات ومن تحت الضرس ابتسامات
    وافضل طول مانا قاعد مع ابوكى تروح تجيب لى أشرب فى حاجات

    سيبك من كل ده مش هنتكلم فيه ولا قبليه بس بعد كدا قولى لى ايه هنعمله
    لو اتحملتى شهر هتعملى ايه بعد شهرين ما احنا نختصر الطريق من أوله

    طب نجيب عيال نظلمهم ونكتم على نفسهم ويطلعوا معقدين
    ونفضل نخنق فيهم ونطلع القديم والجديد عليهم يروحو ماشيين

    ولا يا سلام على مدارسهم وكمان دروسهم واشوف أنا طلوع العين
    حرام عليكى تظلمينى أبوس ايديكى ارحمينى أنا من صفوف التعبانين

    بلا حب بلا كلام فارغ هو أنا يا حبيبتى ونبى ناقص
    مافيش حب يا حبيبتى دلوقتى ده بقا حوار فاكس

    يابنت الناس بلاش حيرة الحسبة دى هى الواقع
    وأنا بصراحة اليومين دول ملطشة معايا وواقع

    الموضوع ده فاشل تعالى نفضها بقا سيرة
    الدنيا حلوة ولسة الحياة قدمنا سكتها طويلة


    تعالى نحسبها
    ومتنسوش محدش يفهمني غلط
    ازيكم بقا
    avatar
    أسماء..
    زي العسل..
    زي العسل..

    أنا من : مصر

    ازيك.. : مقموص..
    عدد المشاركات : 360

    درجة النشاط..~ : 392

    default رد: محدش يفهمني غلط!!!!!

    مُساهمة من طرف أسماء.. في 29/10/2009, 2:38 pm

    ههههههههههههههههههههههههههههههههههه

    حلو اوي بجد الشعر دا

    بس فعلا لو مش فيه امكانيات تتمم الحب بحاجة رسمية يرضاها الاهل والمجتمع والدين قبلهم

    يبقى مالهاش لازمة الاتنين يظلموا بعض

    ويعيشوا احلام عمرهم ما يقدروا يحققوها

    تسلم ايدك على الموضوع ماهر

    وتقبل مروري





      الوقت/التاريخ الآن هو 22/10/2017, 1:08 pm