قعدة أونلاين



يادي النور يادي الهنا.. نورتنا و الله.. سجل بقى أو أدخل لو كنت مسجل..

شوف انت عاوز ايه و خلصنا..!!

اقولك.. ادخل ادخل.. هاتتبسط و الله..

•°ميين؟؟ زائر ؟؟ اتاري القعدة منورة ..يا أهلا يا أهلا.. °•


    فنون التعذيب.. في العصور الوسطى..

    شاطر
    avatar
    الإدارة
    {إدارة القعدة}

    أنا من : مصر

    ازيك.. : يااااااااااا رب..
    عدد المشاركات : 303

    درجة النشاط..~ : 157

    default فنون التعذيب.. في العصور الوسطى..

    مُساهمة من طرف الإدارة في 4/1/2009, 7:23 pm




    يا خبر أبيض؟؟

    ايه الكرسي ده؟؟؟؟؟؟

    عاوزين تعرفوا؟؟؟

    طيب تعالوا معايا في رحلة للقرون الوسطى..!!

    كان زماااااااااااااااااااان أيام القرون الوسطى.. و في أوروبا تحديدا..

    بينتشر التزمت بين رجال الدين..

    و كانوا بيدوروا عن الناس اللي بتخالف أي حاجة تخص الدين.. و يعاقبوهم..

    بس عقابهم ماكانش أي عقاب.. و ماكانوش بيحاكموا المتهمين أصلا..

    و كان العقاب بيتم بمجرد القبض على المتهم.. و كان بواسطة وسائل تعذيب بشعة جدا

    اقلها الكرسي اللي موجود فوق ده..!!


    و
    كانت الادوات دي بتستخدم سواء لاعدام المتهم.. أو عشان يعترف.. أو تعذيبه
    على خفيف كده و يسيبوه هو يموت لوحده من التلوث و النزيف!!


    مين بقى اللي كان بيحاكم الناس.. أو بمعنى أصح بيعذبهم؟؟


    كانت
    كل مدينة فيها مجلس بيحدد الجرائم و العقوبات.. و كان بيولى البحث عن
    المتهمين و توقيع العقوبة.. مجموعة من الرجال يرأسهم عادة أحد رجال الدين..

    و كانوا بيسموهم.. " محاكم التفتيش"

    و كانت أغلب القلاع فيها غرف أو أماكن مخصصة للتعذيب ( يا سيدي على النظام)
    و طبعا في الغالب الأعم كانت الغرف دي في اسفل القلعة .. يعني ظلمة و تعذيب و أخر جمال!!


    و من أشهر اللي قاموا بالتعذيب..

    فلاد المخوزق!!

    اللي هو دراكيولا.. الحقيقي!!


    و مخوزق ليه.. عشان كانت وسيلته المحببة في التعذيب هي.. الخازوق..
    و إن شاء الله هايبقى فيه موضوع كامل عن الحاج دراكيولا..

    أدوات التعذيب


    دي أول أداة معانا
    |
    |



    و ده يتعتبر من أشد وسائل التعذيب ايامها

    عبارة عن ايه بقى

    البتاع اللي في الصورة ده كان بيتحط ع الارض و المتهم فوقيه
    و يربطوا رجليه و ايديه في الحبال البيضا الموجودة دي
    و في ذراع يشدوه بحيث ان الحبال تتشد لحد اما عظام الراجل الغلبان تتخلع من مكانها

    زي فيلم brave heart كده



    ــــــــــــــــــــــــــــــــــــ

    تاني أداة بقى أخف شوية
    |
    |




    ده بقى كان بيستخدم عادة عشان المتهم يعترف

    بيشتغل ازاي بقى

    كانوا بيحطوا صباعين الابهام في الأداة
    دي( انظر الصورة أسفله).. و يقعدوا يلفوا الذراع اللي في الأداه من فوق
    بالتدريج عشان ( يفعصوا) الصوابع و العظام تتفتت خالص

    ـــــــــــــــــــــــــــ
    تالت أداة بقى
    |
    |

    الكرسي الي شوفتوه و انتوا داخلين

    أبشع انواع التعذيب كانت على الكرسي ده

    و زي ماهو باين مليااااان نتوءات زي المسامير كده في كل مكان بيلمس الجسم

    و كان عددها بيتراوح من 500 لـ 1500 مسمار

    و طبعا باين بيستخدم ازاي

    بيقعد الراجل اللي مامته داعية عليه
    و يربطوه عشان مش يفلفص!!
    و كان طبعا بيموت
    بس ببطئ شديييد
    لأن المسامير كانت بتقفل الفتحات و النزيف مكانش بيبقى كتير
    و الدم يتصفة شوية شوية
    ـــــــــــــــــــــــــــــــــــــــ

    ده بقى

    بيعمل نفس وظيفة الخازوق
    ـــــــــــــــــــــــــــــــ
    أما ده


    أعوذ بالله

    العروسة الحديد..!!
    (محدش بيدور على عروسة)

    في جواه مسامير طويلة و مدببة
    متوزعة بحيث لما تخترق الجسم مش تدخل في أماكن تموت.. عشان المتهم يفضل عايش و يطول عذابه أكتر..

    و كان بيتفتح من قدام و من ورا

    عشان كل شوية يفتحوا الابواب الامامية و الخلفية دي تقوم المسامير تخترق نفس المكان و تدخل نفس الجرح!!
    _________________




    ده منشار كانوا بيقطعوا بيه الناس نصين بالطول!!
    ـــــــــــــــــــــــــــــــــ
    و كان في تعذيب بالفئران
    كانوا بينيموا الشخص على ضهره و يربطوه
    و يحطوا الفار فوق بطنوا و يغطوا الفار بوعاء حديد أو اي معدن بيسخن..
    و يسخنوه.. يقوم الفار يتلسع و يحاول يهرب من السخونة..
    طبعا مش يلاقي مفر الا عن طريق بطن البني آدم المسكين
    ـــــــــــــــــــــــــــــــــ

    دي بقى كانوا بيفعصوا بيها دماغ الناس
    ــــــــــــــــــــــــــــــــــــ


    ده مخلب القط
    كانوا بيعلقوا البني آدم من دول في مكان مفتوح
    و يقشروا بيه ضهره!!
    و يسيبوه للشمس والهوا و الدبان و كل حاجة بقى
    ــــــــــــــــــــــــــــ
    الشوكة

    دي كانت بتتربط حوالين القبة
    و ناحية تبقى ناحية الدقن و الناحية التانية تحت
    عشان مش يقدر يحرك دماغه و يفضل متشعلق
    كده

    ـــــــــــــــــــــــــــــــــــــــــ
    طبعا في أدوات أوحش و اصعب
    بس كفاية عليكوا كده
    و كفاية عليا أنا كمان كده

    اهئ اهئ
    حد يروحني من هنااااا

    مش عارفة انا ايه اللي خلاني اعمل الموضوع ده


    بس هي القعدة اللي مضلمة بقى wakho

    انا مش نقلت الموضوع عشان مش في كلام عنه بالعربي
    ترجمته و كتبته من كذا موقع
    يا رب يرعبكوا..آآ..قصدي يعجبكوا
    تحياتي يا مرعوبين..
    avatar
    K*H*A*L*E*D
    {إدارة القعدة}

    عدد المشاركات : 78

    درجة النشاط..~ : 34

    default رد: فنون التعذيب.. في العصور الوسطى..

    مُساهمة من طرف K*H*A*L*E*D في 12/3/2009, 5:16 am

    يا بنوتة يا جاااااااااااااااااامد cheers cheers

    ايه الحلاوة دي ما انتي قلبك جامد اهو و ليكي في الرعب

    طيب مادام طلعتي قلبك حديد كده خدي بقى الموضوعين دول و ادعيلي

    Laughing Laughing

    اما اشوف شطارتك بقى

    http://a3da.onlinegoo.com/montada-f39/topic-t147.htm#381
    http://a3da.onlinegoo.com/montada-f39/topic-t146.htm

    yes
    avatar
    الإدارة
    {إدارة القعدة}

    أنا من : مصر

    ازيك.. : يااااااااااا رب..
    عدد المشاركات : 303

    درجة النشاط..~ : 157

    default رد: فنون التعذيب.. في العصور الوسطى..

    مُساهمة من طرف الإدارة في 12/3/2009, 8:41 am

    @K*H*A*L*E*D كتب:
    يا بنوتة يا جاااااااااااااااااامد cheers cheers

    ايه الحلاوة دي ما انتي قلبك جامد اهو و ليكي في الرعب

    طيب مادام طلعتي قلبك حديد كده خدي بقى الموضوعين دول و ادعيلي

    Laughing Laughing

    اما اشوف شطارتك بقى

    http://a3da.onlinegoo.com/montada-f39/topic-t147.htm#381
    http://a3da.onlinegoo.com/montada-f39/topic-t146.htm

    yes

    ميرسي ميرسي Cool

    من بعض ما عندكم يا باشا tongue

    طيب لما اروح و اشوف و ربنا يستر wakho

    نورت الموضوع

    تحياتي


      الوقت/التاريخ الآن هو 23/4/2018, 6:30 pm